老友記 (已結業)

幫襯過兩次，唔會有第三次，第一次，平日，就只有一個男的看鋪出品，我點了燒賣等小食，佢就硬銷人食佢個所謂得意之作碗仔翅，價錢貴，細碗，但味道確實唔差但賣到$28真係有啲那個，第二次幫襯，周日，見到個紋身女的(後來得知是傳說中的事頭婆) 在主理出品，嘩，真係聞名不如見面，我大概逗留了三十分鐘，已見識了她的待客之道，漏單，出品極慢，極度hard sell, 串客，鬧客，極大口氣，連我幾年冇出po都忍唔住要為佢再次執筆，當日有家人很斯文的，想外賣個碗仔翅加其他小食，嘩，大鑊了，被那個情緒事頭婆噴了近10分鐘，大概話人唔環保點解唔喺度食埋先走各樣那樣這般，果家人嚟幫襯無啦啦被佢噴到一面屁，場面極度尷尬，期間夠膽死有人催單，唉咁梗係又比事頭婆插啦，總之出佢口的冇一句令人舒服，句句唔係單打就直接串/插你，言詞間又踩盡全港小食店，堪稱佢出品既碗仔翅係最好食。。。。唉。。呢個人，講野時面部表情極度浮誇，作風十分嘩眾取寵，又完全不會尊重別人，還有，不知那裡來的自信，豬扒包定價$38, 憑什麼？埋單又要客人自己計數， 果日得果幾個客就冧晒檔，客都未詐形佢就先發制人，哈，真係希望佢生意興隆