潮州仔食堂 (已結業)

呢到最多人叫係豬什王（$54） 再加魚皮（$8）我本人麻麻豬什最後叫豬手米 （白胡椒沙底）加蘿蔔 老公叫豬粉腸娃娃菜 （半胡椒湯底）配白飯但係發生咗小插曲，老公唔食得辣，但嚟咗白胡椒湯底，飲咗兩啖，辣到佢飛起！最後餐廳都幫佢加湯變返無咁辣！我自己食得辣，個人推介白胡椒湯底，冬天飲落暖笠笠，唔食得辣都可以叫半胡椒湯底。食落無味精，但去到最後有啲咸。豬手米加蘿蔔 都好大碗下豬手乾淨 但可以更淋魚皮都好食 薄脆！浸湯食一流！豬粉腸娃娃菜配白飯淘飯一流 但去到最後覺得咸整體來講會再下次幫襯附近米線排隊排到癲 呢間可以直入！