翠苑甜品專家 (保和大廈)

营业中

休息中

五點幾見有D餓，去咗呢間連鎖糖水店，等我又同大家詳細分享下～🌟合桃糊燉奶 $25
揀咗凍食，燉奶用匙羹督落去有少少彈性，質地似食緊進化版嘅合桃牛奶布甸，燉奶表面結咗層薄薄嘅「奶皮」好濃奶香🥰合桃糊完全食唔到顆粒感，甜度調得剛好，本身嘅堅果香都有嘅，加埋個燉奶，滑溜同綿密完美融合🥳凍食版本特別適合夏天，食完成個人涼浸浸。-總括嚟講，呢間連鎖糖水店保持到水準，雖然唔係好X好食，但整體係唔錯嘅，食過好幾間分店，裝修都幾統一（雖然唔靚），呢間分店乾淨企理，綠色招牌好易認🤣以連鎖店嚟講，價錢好抵😚份量適中！