影片
更多
2012-10-11
314 浏览
在山區工作都超過10年，跟部份嘅官員同宗教人士都成為咗好朋友，雖然唔算好老死，友情都建基於工作之上，不過，工作有咩出問題，大家都好拍硬檔搞掂去。成日問佢哋會唔會有機會嚟香港玩吓，講就講咗好多年，其實唔喺個個內地人落嚟咁客易，尤其有宗教背景，都會麻煩少少，越高級就越敏感，落嚟就越困難。今次其中幾位朋友就跟教會拉大隊落嚟，由於喺跟團嘅，所以佢哋有晒行程，只喺有一日自由活動，所以我同同事都盡盡地主之誼，帶佢哋周圍逛逛，夜晚仲食番餐豐富嘅。最終揀嚟新世紀嘅翠園，貪佢晌旺角區，行完旺角再去食嘢，走時樓下就有港鐵，方便送佢哋返酒店，最重要喺依間翠園無時限，又唔分段，較為好預時間。一行成15人，都真喺幾墟撼。佢哋由重慶偏遠縣城嚟，口味慣晒重辣重油，都怕啲粵菜唔太啱佢哋口味，不過，佢哋都講，近年健康緣故，都興食嘢清淡番少少架喇。所以都無特別就佢哋，當喺等佢哋知吓廣東菜味道。全部叫番晒例牌，其實侍碟唔夠成圍人食，唔喺個個都試到，不過算啦，成枱十幾個餸，佢哋都唔喺好有要求嘅人嚟，唔使樣樣都要試晒嘅。餐前小食（叉燒$72、燒腩仔$58、刀拍青瓜$38）叉燒、燒腩仔依兩樣嘢我估佢哋應該無乜點食過，因為小弟上咗
最終揀嚟新世紀嘅翠園，貪佢晌旺角區，行完旺角再去食嘢，走時樓下就有港鐵，方便送佢哋返酒店，最重要喺依間翠園無時限，又唔分段，較為好預時間。
一行成15人，都真喺幾墟撼。佢哋由重慶偏遠縣城嚟，口味慣晒重辣重油，都怕啲粵菜唔太啱佢哋口味，不過，佢哋都講，近年健康緣故，都興食嘢清淡番少少架喇。所以都無特別就佢哋，當喺等佢哋知吓廣東菜味道。全部叫番晒例牌，其實侍碟唔夠成圍人食，唔喺個個都試到，不過算啦，成枱十幾個餸，佢哋都唔喺好有要求嘅人嚟，唔使樣樣都要試晒嘅。
餐前小食（叉燒$72、燒腩仔$58、刀拍青瓜$38）
叉燒、燒腩仔依兩樣嘢我估佢哋應該無乜點食過，因為小弟上咗去咁多年都唔覺有，況者，叉燒同燒腩仔真喺廣東燒味嘅經典代表之一。前者燒得甘香油潤，多瘦少肥，口感鬆化，又有少少燶位，有水準；而後者肥瘦相間，外皮非常鬆脆，亦喺水準之作。而刀拍青瓜用上細細條嘅青瓜，酸酸帶微辣，冰冰涼涼，開胃前菜。
欖梅砵仔骨 $72小弟都幾鍾意欖菜煮餸，因為非常惹味。依道菜欖菜搭話梅作主味，雖然鹹鹹酸酸，不過覺得味道唔喺好突出，骨排肉多骨少，幾鬆化，只喺入味未夠，食來若有所失咁。
滑蛋蝦仁 $72滑蛋炒得一般，送嘅嚟已經有少少過火嘅感覺。不過啲蝦仁就有姿勢又實際，件頭大之餘，幾鮮甜爽彈。
蟹肉滑豆腐 $78晌我印象中，重慶人煮豆腐菜式多數都喺用豆腐乾多，所以滑豆腐煮法唔多覺眼。豆腐很嫩滑，獻汁鮮甜，不過份量，以及蟹肉，都喺得好少好少咋！
金瑤琵琶豆腐 $68好多人都話琵琶豆腐好啱上年紀嘅人食，不過煎炸過都唔好食太多，反而最啱我依類人食，工作上無「牙力」嘅人囉！啲豆腐外形就唔似琵琶架喇，似掃街嘅炸魚蛋，不過炸得金黃，豆腐內不加餡料，食落外脆內滑，加上淋咗有瑤柱絲做嘅獻汁，味道唔單調。
樂從砂鍋魚腐 $88個魚腐又幾大鍋喎，一大砂鍋，足有十多粒魚腐，粒粒大過個乒乓波。鯪魚肉打做嘅魚腐幾爽，雖然湯底有啲淡，不過始終魚腐先喺主角。
一品發財素盆菜 $78如果以份量計，一大盆齋菜，有紹菜、青豆、豆卜、木耳、粉絲、冬菇………等等，抵食架。不過，除非你都幾鍾意食齋，否則，味道清淡得緊要嘅一品發財素盆菜，未必合你口味。
一品砂鍋飯 $98我晌上面同佢哋食飯，佢哋大部份時間都喺食餸飲酒，好搞嘢，去到最尾食咗好多餸先嚟一大碗白飯加碟泡菜就得。我哋唔興咁，照番我哋嘅慣常臨尾點番兩個炒粉飯麵墊底，等佢哋見識吓我哋個做法。分晒俾大家之後，我都無食過，真喺唔知咩味，不過睇樣就好似炒得幾好喇！
家鄉炒米粉 $68家鄉炒米粉版本眾多，你喺咩「家鄉」影晌你嘅用料，有啲用火腿，有啲用腸仔，唔知邊個先喺元祖始創。翠園依個就用咗銀芽、雞蛋絲、叉燒絲、煙肉絲嚟炒米粉，整體唔太油，雖然啲料兜得唔喺好「勻巡」，但味道搭夠。
依輪美心中菜仲搞咗個「五邑．想家」系列，「五邑」意指江門市幾個地方：新會、台山、開平、恩平、鶴山，「想家」則用其土產做啲家鄉菜，感受吓農家情懷，我哋亦都點幾道嚟襯熱鬧。
鶴山煎焗雞 $168
真喺唔知佢有無嚟錯，我哋叫一隻喎，有單為證，但份量少得可憐呀！賣相好有農家樂嘅風味，但更似過年食剩啲雞，到第二朝爆番再食咁款。味道亦未見突出，感覺只喺薑蔥加青紅椒爆番香啲雞年而矣，對依道菜呻笨兼失望囉！
新會窩燒鴨 $88新會嘅陳皮鴨好出名，不過依個窩燒鴨都唔錯，唔喺賣好貴，反而多個碗雞，最重要喺好食丫嘛。鴨件煮來唔太羶，個醬汁夠濃惹味，撈飯佳品。
生炒荷糖芥菜 $78普通炒芥菜一碟，點講都好，真喺好普通，賣到$78著實因為喺新推廣出品，心裡覺得唔值。
沙塘蓮藕崧 $78以開平所出嘅沙塘蓮藕，加埋豬肉崧炒粒粒，再加啲爆米粒，搵生菜包住食，食起嚟無咩特別，亦唔見得啲沙塘蓮藕特別爽甜，不過啲朋友幾欣賞，可應咁嘅食法佢哋少接觸，其次生菜包住食口感確喺爽脆啲。
茶錢$11位，泡菜$12碟，加埋一都喺千五鬆啲，圍起每人叫做一百多少少，唔算貴喎，因為以前食親翠園都要成一個人$150-200落樓。可能喺佢哋唔好意思食太多啦，所以問親佢哋夠唔夠，仲有咩想試，佢哋都話飽喇飽喇！哈哈。大家本喺相隔十萬八千里無相干嘅人，生活於不同國度，今晚竟然同枱食飯，何其有緣呢！张贴
