滿樂中菜 (已結業)

今年母親節提早食飯，book左呢間中菜，係戲曲中心入面，因為媽咪對粵劇都有啲興趣，所以帶佢黎睇下。好近柯士甸站，一出就係，很方便。戲曲中心好大，一入去好有藝術感，感覺好relax!我地一家人叫左幾個小菜，一個湯，一個炒粉。首先來到的是杏汁燉白肺湯好足料，好濃杏汁味，白肺都好乾淨，飲完成個人舒服哂～蜜汁叉燒叉燒上面用蜜汁燒到香香的，外表甜甜，入面咬落軟軟的，肥瘦適中，不錯！當紅炸子雞外表好脆，但雞胸都很嫩～做得非常好吃！推介呢～～花膠絲杞子浸時蔬很多花膠味道清清地，食得太多肉要平衡一下。鴛鴦胡椒焗蝦用左兩種胡椒焗，所以一黎到就好香胡椒味，非常吸引蝦都夠大隻～好濃胡椒，鐘意胡椒既朋友唔可以錯過！檸檬茄子煎烏魚食落都新鮮，茄子在魚底，吸哂啲精華，特別好食！招牌金瓜炒米粉很多配料，很多南瓜，南瓜都夠甜，份量好足夠，炒得夠鑊氣。我地已經好飽了，所以只點了一個楊枝甘露糕share食。整體來說，地點方便，環境和食物都十分好，跟家人或一大班朋友都可以來，順便影下靚相，輕鬆咁又過一日假期。