牧羊少年與他的浮萍

营业中

休息中

約友人來尖沙咀文化中心的cafe，非常多打卡位，富有空間感，而且好有文青及藝術feel，環境寬敞舒適，落地大玻璃可以望到維港景色，不論日與夜都同樣吸引。伊比利豬背油薯條 $78上菜時好香好誘人，用左伊比利豬背油，所以特別香，濃郁豬油香氣。幼身薯條炸得外脆內綿，用左蒜蓉同鹽調味，味道更豐富。瑪格麗塔薄餅 $148喜歡最簡單直接的美味，沒有過多的餡料，用左番茄醬汁、芝士、羅勒....等食材，又薄又脆的薄餅，淡淡的番茄甜味，大量芝士好香濃滋味，呢度唔止用左mozzarella，應該加多左濃味芝士，除左拉絲，味道相當濃厚，羅勒香氣也很好，襯熱食會更好味。明太子奶油龍萵大蝦扁意粉 $158醬汁creamy 濃厚，微微辛辣的明太子令人更開胃解膩，大蝦非常爽口彈牙，亦都頗大隻，用少見的龍萵香料，更添風味，扁意粉彈牙有咬口，熟度煮得剛好。