富山居 (裝修中)

講起日本你會諗起乜嘢？壽司？拉麵？關東煮？我會諗起居酒屋🏮⭕️大埔大元街市嘅美食廣場，門口擺咗開滿花嘅樹，大大個紅字寫住———富山居⭕️最近好似開業唔算好耐，裝修別緻舒服😌菜單項目非常之多，洋食刺身定食小食等應有盡有✨⭕️串燒拼盤拼盤入面包括有冬菇、雞軟骨、雞翼、蘆筍牛肉同京蔥雞。冬菇劃咗十字喺面，燒到軟熟多汁🤤京蔥燒到好香甜可口，再加埋嫩滑嘅雞肉，少少咸多多甜💕最中意喺嗰蘆筍牛肉串，蘆筍鮮嫩，唔起渣👍🏻燒到乾身但又唔硬，好濃郁嘅牛肉味包住清甜嘅蘆筍簡直雙重享受😎⭕️蟹味噌甲羅燒配鱈魚干蟹味噌即喺調製過嘅蟹膏，而甲羅就喺指蟹蓋。大大嘅蟹蓋裝滿蟹膏再加上靈魂一筆嘅蟹籽，味道濃郁，滋味非常💯