炻板燒 (已搬遷) 新店位置

約姊妹2點起屯門食tea，起v city行左陣，姊妹話唔想食連鎖店，去左新墟邊行邊搵，發現左呢間好似幾好食，姊妹仲話好似起Open Rice見到過，咁就試呢間啦～2個人都係牛魔王，就叫左一份牛小排同一份封門柳，不得不讚下自己燒得好好食，加少少鹽同黑椒燒，味道啱啱好，如果唔加都可點少少燒肉醬黎食，不過就唔建議加調味燒完再點醬，咁會咸得滯，當然佢d牛肉質素好都係好食既原因黎既～ 食得津津有味，埋尾食多個沙律先。如果要講唔好既地方，美中不足應該係個飯，因為佢個飯唔知係溝左米，定係加太多水，有d爛。p.s. 店員誤會我好大食，其實我好細食囉～