影片
更多
2022-10-11
304 浏览
如果要在中上環搵一間扒好食、酒好飲、價錢唔貴、仲要招呼好嘅西餐真係無乜幾多間，終於比我遇到呢間 -- Le Moment! 感覺就好似去咗老友屋企食飯咁，主人家會攞晒d美酒佳餚嚟招呼好朋友咁，幽默好客嘅老細會先問你嘅preference, 然後打開個酒櫃揀啱你口味嘅5-6款酒排響你面前逐款介紹，見佢真心對各款酒好有研究，亦都專入一啲市面唔多見而有質素嘅好酒，有平有貴任君選擇，唔會專登sell你貴嘅，就算揀平嘅佢都好開心，可能因為都係佢啲baby嚟 我哋點咗牛扒同羊架，係3 Courses Dinner Set，有沙律、蕃茄湯同main course個沙律有自家醃的celery, 青爽嘅青蘋果、焦糖核桃，個帶點芝士味嘅自家製沙律汁係正嘅！（人食完先醒起相機無得食😅)個蕃茄湯好濃郁，睇返menu原來加埋 aged Parmigiano同portobello 菇打汁而成，加埋蒜茸包食超yummy 我個牛扒係Wet Aged USDA Black Angus Prime Ribeye Steak $448，medium rare, 外面睇落少少焦，切開原來肉汁緊鎖晒響入面，食落嫩滑多汁，我朋友
感覺就好似去咗老友屋企食飯咁，主人家會攞晒d美酒佳餚嚟招呼好朋友咁，幽默好客嘅老細會先問你嘅preference, 然後打開個酒櫃揀啱你口味嘅5-6款酒排響你面前逐款介紹，見佢真心對各款酒好有研究，亦都專入一啲市面唔多見而有質素嘅好酒，有平有貴任君選擇，唔會專登sell你貴嘅，就算揀平嘅佢都好開心，可能因為都係佢啲baby嚟
我哋點咗牛扒同羊架，係3 Courses Dinner Set，有沙律、蕃茄湯同main course
個沙律有自家醃的celery, 青爽嘅青蘋果、焦糖核桃，個帶點芝士味嘅自家製沙律汁係正嘅！（人食完先醒起相機無得食😅)
個蕃茄湯好濃郁，睇返menu原來加埋 aged Parmigiano同portobello 菇打汁而成，加埋蒜茸包食超yummy
我個牛扒係Wet Aged USDA Black Angus Prime Ribeye Steak $448，medium rare, 外面睇落少少焦，切開原來肉汁緊鎖晒響入面，食落嫩滑多汁，我朋友就點咗羊架 $398，又香又Juicy全無羶味，正到暈，加埋啖紅酒，夫復何求～
我哋仲加咗sides：法國鵝肝同黑松露北海道帶子 $98 each, 鵝肝入口即溶,又滑又香，帶子鮮甜啖啖肉黑松露濃香
無論牛定羊定個湯同湯樣樣都真心整得好出色，直頭5星級酒店質素但係親民嘅價錢！係地方細咗啲，但牆上有多年來客人的塗鴉真係別有一番風味，而且擺放嘅結他並非裝飾嚟㗎，當大家都差唔多飲飽食醉，老闆興起仲會guitar solo tim!!
呢晚真心好似去咗個frd屋企食飯咁，呢種咁有溫度嘅良心小店真係買少見少，會再嚟試埋其他菜式同酒😋😋🍷🍷
张贴
