牛涮鍋もっと

营业中

休息中

話說早2日食牛角時比$100做左kabu pass會員，發現有好多優惠卷，其中一張係食其下品牌-牛涮鍋放題可享4送1優惠。咁所以一家人專程來試下個放題，揀左職員介紹的美國SRF和牛放題，每人貴幾十蚊，d牛好靚，我們唔同時間加單的牛，都一樣水準，肉色好靚，不肥，夠薄！豚肉都唔錯，好滑。4個人係有一個鍋，可揀2個湯底，外面自取部有多款式蔬菜/丸/甜品/熟食，芝士丸幾好味。要讚下飲品有好多款揀，最正係有即沖咖啡機，試左朱古力咖啡同latte都幾好！牛奶雪糕係一定要試！好滑！見倒好多人加左錢有刺身放題，睇落好似都幾新鮮，下次試。