麻辣風雲 (已結業)

麻辣風雲 旺角站開胃前菜 ($9/@) 花生咸香脆口，海帶絲辣中帶甜，夠開胃！花鵰醉雞 ($98)有淡淡花鵰酒香但唔會苦，份量都幾足！用鮮雞製作，雞皮位食落夠爽有咬口，而且一啖一嚿唔多碎骨，整體唔錯。菊花蜜 ($48) 幾鐘意呢個酒瓶設計，好夾成間舖頭嘅中式風格，適當嘅甜味都可以解辣，同埋飲落都幾多，一壺兩個人飲都夠！ 涼拌萵荀($58) 萵荀夠爽口，簡單用麻油調味已經好好食！初嚐會覺得夠清，食緊辣期間再夾一嚿放入口，即時有種清清涼涼又解膩嘅感覺！炸饅頭($58/6件)幾乎所見每枱都有叫，可想而知係招牌菜式！外皮炸到金黃酥脆，食落又唔會酒膩，配埋煉奶真係一流，最特別咬開饅頭夠絲滑，有種入口即化嘅感覺！酸菜魚($268) 重頭戲當然就係酸菜魚！湯底仲清到忍唔住先飲一碗暖身，酸菜味道好開胃，主角無骨又夠嫩滑，完全零負擔！薯粉係扁身的，比一般圓條形的更加有咬口。特別一讚係可以將酸度同辣度分開選擇，中酸小辣真係無得頂！紅糖糍粑($58/4件) 再飽都要叫一碟甜品作結！紅糖糍粑同酒釀丸子之外，選擇咗前者。糍粑係即叫即整，唔會油膩，食落夠香糯，配上微甜嘅紅糖同黃豆粉，好好味！入座時個亭有人食緊飯，