韓米Miso (啟田市場) (已結業)

一向都知道蓝田启田商场街市外面有好多小食外卖店，今次经过见到有间食韩国食品嘅叫韩米Miso，从menu上睇到有饭类便当、紫菜卷饭、炸鸡同埋一d韩国小食等等。今次叫咗韩式猪肉饭 、韩米炸鸡套餐C餐，饮品拣咗韩国雪梨水同埋粒粒提子汁。首先先讲个炸鸡套餐，入面系原只鸡分2边炸，只鸡超大只超juicy，入面有浓浓嘅鸡汁，外面就炸得甘香可口，绝对系可以用外脆内软嚟形容，出面扑扑脆，入面鸡肉就超嫩滑，绝对值得推介而且非常抵食，仲有粗身嘅薯条，点埋茄汁食，食到好满足，绝对值得推介。另外猪肉饭系用韩式煮法，猪肉超入味，另外饭旁边就有紫菜丝及蛋丝，捞埋饭及猪肉食每一啖都有唔同嘅口感。雪梨水及提子汁就唔系有好多地方可以买到，雪梨水可以解渴解热，粒粒提子汁就有超多果肉，正！