成都小巷 (已結業)

今日去咗灣仔交收，好彩賣家無遲到，唔使喺街邊呆等。不過攞完貨已經差唔多12點，今朝趕住出門口又無食早餐，個肚好餓，都係食個快餐先返屋企。路過見到成都小巷，睇menu見到除咗米線之外，都有其他飯餐，夜晚仲可以食雞煲。雖然未知想食乜但係見到價錢相宜又有位就馬上入去啦。同店員講咗要口水雞飯之後決定改變主意，轉要米線，好彩佢都係笑下，無話唔高興。湯底要麻辣，加咗豆卜同雞扒，其實佢都有幾多配料揀，而D配料好似車仔麵咁，有豬皮，豬大腸，雞翼尖...雞扒煎得很香脆，味道幾好，同麻辣湯都幾夾。米線質感唔錯，唔會太淋。