莆田 (利舞臺廣場)

近排女朋友去上環上堂，今日等佢落堂就同佢去銅鑼灣行吓街，行完城市super,因為冇食早餐，我覺得好肚餓，女友立即睇吓openrice 附近有乜好選擇食lunch,原來附近有間莆田，零考慮，直去開餐，位置於利舞臺7樓，都好易搵，去到侍應安排我們坐在卡位，並送上小食及茶，先看看餐牌，女友话想試多幾款前菜，所以叫左一個精美四小并、當然還有佢最喜歡的扁肉湯，我就叫左興化炒米粉，再加多個侍應介紹的芋香棒棒，本來想叫蟶子孖寶，但女友話可能食唔曬，但我好想食蟶子，所以都叫了一個鐵板鹽焗蟶子；
精美四小并先送來，分別有水晶豬腣凍、九轉小腸、滷水嫩豆腐和蝦苗伴頭水紫菜。
水晶豬腣凍，清爽滑香，配辣醬好味道，九轉小腸入味有口感、彈牙，滷水嫩豆腐，豆腐滑又滷得入味，蝦苗伴頭水紫菜，滑嫩爽口，醬汁酸酸的非常開胃。芋頭棒棒用米紙包著芋圓炸香，香脆鬆化。
扁肉湯湯底鮮甜，扁肉彈牙爽甜。
鹽焗能帶出蟶子本身最鮮甜的原味道，鐵板亦能Keep住溫度，慢慢食蟶子亦熱辣辣；
興化炒米粉，足料又炒得乾身不油，侍應推介加些辣媽醬食能更添滋味，果然冇介紹錯！
我們更覺得這個辣媽醬點其他餸菜都好好食，最後我們更買了一支回家。