鳳城酒家

营业中

休息中

今日友人介紹北角間鳳城酒家品嚐中菜。我以前未曾幫襯過，今次一試就覺幾得。食物選擇多，每款都好吸引，人多食就可以叫多款不同菜式。前菜酸瓜， 酸味味好開胃。粟米魚肚羹，好足料，一碗我自己就唔多夠。炸子雞炸得剛剛好，肉嫩皮脆。小炒皇幾好食，餸飯一流。鍋貼大明蝦，好抵，最勁係唔油，容易入口又香口。紫薑炒牛柳，紫薑夠辣，牛柳夠腍。蒜蓉炒菜心都好好味，鑊氣夠，美味。忘記了名字，炸「餃子」配湯食，又好食喎。荷葉飯正常。綠豆沙正常，免費送。 整體中菜好食，炸蝦香口惹味，其他菜式都有水準，我肯定會番食。