Chill Inn (已結業)

上次係因為同毛孩嚟過行下，發現原來佢隔離係用餐區。所以今次我就帶朋友嚟呢度用餐，其實Emax都幾多餐廳，而且環境好闊落。我都好鐘意呢間餐廳的氛圍，無論係裝潢設計嘅熱帶風情，定係特色嘅餐碟……都感受到餐廳的特色。加上價位亦都適中，令人食得舒服。香煎帶子烤南瓜沙律：帶子鮮甜，配上香糯的南瓜，鮮美的沙律。手打風味肉丸配香茅青檸椰子汁：手打丸幾彈牙，但個汁先係重點，味道好特別，清新解膩。香煎焗深海比目魚柳香蒜白菌意粉：意粉嘅配搭都幾新穎，通常西式嘅意粉係唔會落香蒜，有多款創新菜式，味道幾香口，唔錯。飲品我點咗杯菠蘿椰子沙冰，酸酸甜甜，有菠蘿同椰子的香氣，飲到好陶醉。