A Tavola Bar & Grill (已結業)

今晚黎到呢間海邊餐廳食晚飯~好鍾意呢度既氣氛同環境~勁似去左外國既餐廳~帶點浪漫既情調~好正~~睇下MENU~老公揀左PASTA，我就想試下新野~叫左個好似牛肉餡餅既Grilled Mix Fajits~白酒蒜香蜆肉意粉一上檯已經聞到好香蒜香味~目測蜆肉份量亦都唔少~食落帶點微辣，應該係加左少少辣椒粉既原故~蒜香味好突出~配撘蜆肉真係好MATCH~帶出到蜆既鮮味又唔會過咸~蜆肉唔算大隻但出色在隻隻都有肉~唔係就咁得D殼~食埋啖意粉更加滿足!又彈牙又入味~簡直係飽肚又美味之選!Grilled Mix Fajits呢個係一款包括牛肉、雞肉、青椒、洋蔥等雜菜既菜式~一成碟分得好靚，而且另外跟4塊細細既墨西哥餅~本人超鍾意食墨西哥餅!呢個配撘可以自己加餡料入墨西哥餅度，想食多食少自己可以控制~真係超正! Grilled Mix Fajits呢款係有齊veggie, beef 同chicken~另外其實3款獨立點都得~但貪心既我叫個mix就可以一次過試哂咁多種口味~非常抵食又好味!仲有3款醬汁點~包括蕃茄莎莎醬、牛油果醬同SOUR CREAM~蕃茄莎莎醬酸酸甜甜~牛油果醬清新可口仲食到牛油果粒~