豊勝手丼 (已結業)

下晝喺銅鑼灣買完野，有啲肚餓，經過呢間日本餐廳，望到裏面裝修得幾有心思，就決定入去坐吓食吓野。結果叫咗「廚師精選壽司定食配腐皮烏冬」。定食先嚟沙律、煙鴨胸、麵豉湯。沙律細細份但係蔬菜好新鮮，仲落咗少少三文魚子，好味。煙燻鴨胸幾香。食完之後令到我更加開胃😁壽司好快就嚟埋，一共有八件，件件都好新鮮，兼色澤鮮美，唔單止食得仲睇得😆；特別係海膽、甜蝦同帆立貝，非常鮮甜，味道濃郁。腐皮烏冬簡簡單單但係都好味。