影片
更多
2022-07-22
72 浏览
我又食印度嘢喇🇮🇳不過今日去食素食，又一次新嘅體驗，Kailash Parbat 有別於一般傳統印度餐廳，首先餐廳裝修型一個點，環境超靚超摩登，但仍然保留好印度嘅特色，例如吊燈，牆上嘅掛畫，好多唔同嘅擺設，但係全部都係摩登版，座位又大又寬躺，坐喺度食飯環境非常舒服打開餐牌，超多嘅選擇，雖則話係素菜，但係廚師千變萬化嘅組合，做出好多唔同特色嘅美食，每道菜嘅名又得意，令到我睇餐牌也變成樂趣👍🏻🧄🫔▪️洋蔥烤餅 $45 食印度菜必食嘅 Naan ，今次呢個口味係第一次，我最愛嘅洋蔥，餅皮香脆又煙靭，餡料部份加上大量洋蔥，餅皮而且好油潤，就咁已經勁好食，但係都一定要配咖喱先至完美🍆🥘▪️茄子馬薩拉 $ 85食咖喱也是必須的，呢個炸茄子配洋蔥蕃茄咖喱，馬薩拉就是有多種香料混合而成，有少少辣，香料極多，好香口，茄子又淋又滑，同咖喱簡直係最佳拍檔，當然另外一個好拍檔就係烤餅，好食🥔▪️特色印度酸甜薯仔 $ 70 呢個係我嘅最愛，印度街頭小食，薯仔外皮炸得好香脆，耐心啲錢好軟 ，好食嘅薯仔最佳狀態，配上炸花生，脆脆米，辣椒粉，仲有我最喜歡嘅芫荽，醬汁香香辣辣，完全食到停唔到口🧀▪️ 烤芝士薯餅鷹嘴豆咖喱薄荷醬
我又食印度嘢喇🇮🇳不過今日去食素食，又一次新嘅體驗，Kailash Parbat 有別於一般傳統印度餐廳，首先餐廳裝修型一個點，環境超靚超摩登，但仍然保留好印度嘅特色，例如吊燈，牆上嘅掛畫，好多唔同嘅擺設，但係全部都係摩登版，座位又大又寬躺，坐喺度食飯環境非常舒服
打開餐牌，超多嘅選擇，雖則話係素菜，但係廚師千變萬化嘅組合，做出好多唔同特色嘅美食，每道菜嘅名又得意，令到我睇餐牌也變成樂趣👍🏻
🧄🫔▪️洋蔥烤餅 $45
食印度菜必食嘅 Naan ，今次呢個口味係第一次，我最愛嘅洋蔥，餅皮香脆又煙靭，餡料部份
加上大量洋蔥，餅皮而且好油潤，就咁已經勁好食，但係都一定要配咖喱先至完美
🍆🥘▪️茄子馬薩拉 $ 85
食咖喱也是必須的，呢個炸茄子配洋蔥蕃茄咖喱，馬薩拉就是有多種香料混合而成，有少少辣，香料極多，好香口，茄子又淋又滑，同咖喱簡直係最佳拍檔，當然另外一個好拍檔就係烤餅，好食
🥔▪️特色印度酸甜薯仔 $ 70
呢個係我嘅最愛，印度街頭小食，薯仔外皮炸得好香脆，耐心啲錢好軟 ，好食嘅薯仔最佳狀態，配上炸花生，脆脆米，辣椒粉，仲有我最喜歡嘅芫荽，醬汁香香辣辣，完全食到停唔到口
🧀▪️ 烤芝士薯餅鷹嘴豆咖喱薄荷醬多士 $ 85
呢個簡直係fusion菜，冇食過印度餐廳有多士食，上枱賣相一流，鋪滿晒芝士碎，芝士怪怎會不心動，薄薄嘅多士超香脆，夾住鷹嘴豆蓉，炸薯餅，拉絲芝士，少少微微甜嘅咖喱薄荷醬，口感豐富，味道配合得非常好，仲有香脆薯片，好食又飽肚
🥘▪️印式四川醬蔬菜炒飯 $ 98
呢個賣相和味道有少少似港式福建炒飯，完全係一個燴飯，蔬菜材料豐富，有翠玉瓜，茄子，蘿蔔，薯仔，洋蔥配上長長的印度香米飯，醬汁甜甜辣辣，包圍住每件蔬菜同埋米飯，估唔到咁好食
🍹▪️Nasheela Peru $ 65
印度特色飲品，睇名完全唔會知道係咩嚟，店員推介，帶酒精成份，杯邊圍住喺辣椒粉，飲品味道有少少柚子，橙加Gin 洒，味道甜，苦，辣都有齊，幾得意😎
🥤▪️PatIyala Lassi ( Rose) $ 55
Mango Lassi 飲得多，Rose粉紅Lassi 就第一次，賣相好靚，味道就係士多啤梨加玫瑰，意想不到
幾好飲，淡淡的玫瑰清香，少少微甜，非常唔錯
张贴
