新斗記 (已結業)

一行大小12人嚟食晚飯，叫咗個10人精選套餐!首先，馳名乳豬全體，皮脆肉嫩，完全唔覺油膩，勁正!粉絲中蝦煲，粉絲入哂味，蝦數目多，有大有小，廚師已將蝦切開一半，好容易就可進食，貼心!呢個羹都算足料，啖啖都有咬口! 唔太咸，味道剛好!西蘭花炒得剛好，爽口，魚塊彈牙，加埋蠔油勁正!頭腩蒸得好香好香，不失鮮味!呢個蝦醬骨就較淡口，無乜蝦醬味，唔香，但肉質尚算ok, 唔太韌!唐生菜煲，外表有d削，但味道好好，好香好惹味，生菜入哂味!貴妃雞肉質鮮嫩，非常好味!炒飯夠鑊氣，夠乾，十分唔錯! 炒麵就較淡，加埋醬汁就ok!最後有糖水紅綠豆沙，唔太甜，正!