樸一拉麵

营业中

休息中

旺角新開嘅拉麵店，地方細細，食客多多，要排隊係預咗嘅，不過呢度嘅拉麵質素喺旺角嚟講算唔錯，所以排隊都係值得嘅。我揀咗厚燒叉燒魚介湯底東京拉麵，湯揀濃麵質揀硬，配料除咗蔥，木耳同芽菜之外，仲有一隻小小嘅魚乾，好有趣。成碗拉麵我覺得最出色嘅係塊叉燒，好厚，好肥美，睇住廚師用火槍燒，面頭有少少燶之餘，亦令到肉味更加香。拉麵有咬口，掛湯都 ok，整體唔錯，唯一美中不足嘅係溏心蛋同紫菜等配料要另加錢，所以性價比相對較低。對面位揀慢煮叉燒黑蒜湯底博多拉麵，佢話好食，叉燒都夠香，我試咗一啖湯底，都夠濃👍。