集眾菜館

营业中

休息中

羊腩煲用新鮮羊真係無得頂，羊腩炆得夠入味，肉質鮮嫩，無乜肥膏，羊腩層皮煙煙韌韌，好有彈性，同雪藏羊真係分別太大了，另外佢入面D枝竹吸晒D羊腩汁，淨係呢個羊腩煲已經可以餸兩三碗飯。鐵板白胡椒煎魚卜D魚卜煎到好香口，外層煎到硬硬地，咬落去又保留返魚卜嘅口感，真係唔錯。加上鐵板熱辣辣另到D白胡椒D香味飄晒上黎，真係好惹味。鎮店小炒皇炒得夠乾身，腰果、韭黃、大蝦乾都炒得好夠火喉，最正係佢有D炸脆晒嘅芋頭絲，而且好少見小炒皇唔會好油。