為食龍 (已結業)

上網見到呢間餐廳好特別，星期日去咗試吓，一去到已經覺得裝修好有特色好靚，恐龍主題都做到咁有feel，有唔同品種同風格嘅恐龍，除咗有啲好兇猛，仲有好可愛嘅Toy Story泡泡龍😂唔同位置都好有feel，相信同朋友吹水飲酒都好正，叫咗一杯Asahi同日式蜜柑茶好香柑橘🍊味，但個人覺得太甜，反而同酒兩溝感覺唔錯🤣由於唔太肚餓嘅關係只係叫咗一個飯share，蟹膏蟹子燴飯，真係超濃蟹味，每一啖都會食到蟹肉，非常creamy，蟹🦀️控必叫!見到上網話呢度出名食腐皮壽司，試咗兩舊，分別係左口魚同沙律甜蝦，腐皮本身有醃漬，已經好有味，再加上新鮮嘅海鮮，好幸福嘅感覺🥰最後要講嘅係唐楊白蝦，老實講第一次食，用咗椒鹽調味，白蝦冇乜炸粉，食落鬆脆，係唔錯嘅佐酒小食🦐