豪園餐廳

营业中

休息中

呢間真係由細食到大，原本喺太子而家搬到過嚟深水埗，次次嚟呢一間餐廳都係為咗食羅宋湯公仔麵，個羅宋湯湯底超香濃好入味，配搭公仔麵朔晒啲汁非常之入味。而呢個餐係跟瑞士雞翼，炒蛋及奶油豬，瑞士雞翼比較鞋口，次次都好細隻，同埋唔太香滑，可以改進，炒蛋正常貨色，如果奶油豬次次都好多奶，好好。套餐跟杯嘢飲，次次都係凍檸茶走甜，正常發揮冇乜特別。有時食嘢，除咗食味道之外，都食感情，我真係好鍾意飲羅宋湯，所以呢一間次次都念念不忘，如果個雞翼可以整得再好味啲就真係不得了