本茶 (已結業)

之前行開K11Musea, 去到地下foodcourt嗰層，就會聞到一陣陣嘅茶香味。 行過去睇呢間專賣茶品嘅鋪頭入面，主打抹茶同玄米茶，亦都有唔同嘅配搭包括: 沙冰、奶昔、雪糕 等等，各有特色。(好似全部$38)由於玄米茶比較少見，所以我就揀咗綠茶玄米茶配牛奶。綠茶玄米奶泡($38)落完order，另一位店員會即場用抹茶掃炮製抹茶🍵。你可以見到佢即場用綠茶粉加牛奶攪勻， 未飲前已經有觀賞價值。加分! 另外，當你飲落去嘅時候，你會感到一陣玄米茶味比較特別，唔會話單一抹茶味，唔似普通Matcha Latte咁! 所以，我比較鍾意佢嘅玄米茶系列。而且，奶泡感覺輕盈，好鍾意呢種質感😝。