上座 (已結業)

有一個好似比較資深既女侍應姐姐，不斷係鋪內大聲講粗口，好滋擾。落單寫野時，想叫一個迷你咖哩牛腩飯，問多一句，係咪比正常size會細個好多,有冇一半？結果個侍應姐姐答：迷你咪迷你囉，點答你呀？聽到其他客人想轉餐飲，負責落單嗰位姐姐，一邊撳電腦一邊講粗口，以為自己好細聲，其實我坐隔離幾個位都聽到囉...真係十分趕客! 食物質素ok嘅...相就唔影啦...正常茶記嘢...雖然話真係唔使好似劉德華咁好服務態度，但呢種服務態度真係大開眼界...