更多
2019-11-29
2557 浏览
傍晚七点嚟到门口，当时六张卡台里面只有两张台有客，另外bar台右边三张椅有1人同埋左边五张椅有2人，我地2人行入店里面，因为拎住个大袋想话揾张卡台坐，店员立即嗌我地要坐bar台，话𠮶啲卡台有人留咗，算，咁坐低bar台啦，店员放低menu，之后就冇理过我地，水都冇杯(有后话)。我地嗌咗一个拉面一个乌冬一个枝豆，上菜时只系摆低咩都唔讲，以日本餐厅嚟讲都算冇礼貌。讲返食物，拉面同乌冬都普通，只能话系够热系优点咁啰。枝豆算系三样嘢食里面最好味。用咗半个钟头左右多啲食完，谂住埋单，因为我未提款谂住俾信用卡，入店之前都有check过openrice系可以俾信用卡，点知店员答话只收现金，我明明就睇到部信用卡向侧边，佢连解释老作话坏机都费事系咁黑面，真系态度差到呢。未够八点就离开餐厅，店员口中所讲有人留咗嘅卡台只系嚟咗两张，其实系咪真系有人留咗定唔想做生意真系佢自己先知。到埋单时先见到系自助攞水，自助攞水冇问题，我坐低时你可以讲声，同埋上菜时讲声请慢用之类其实好易者，点解连咁基本礼貌都冇，真系超赶客。好后悔冇睇食评就入咗呢间餐厅，希望唔好再有人受气啦!
我地嗌咗一个拉面一个乌冬一个枝豆，上菜时只系摆低咩都唔讲，以日本餐厅嚟讲都算冇礼貌。讲返食物，拉面同乌冬都普通，只能话系够热系优点咁啰。枝豆算系三样嘢食里面最好味。
用咗半个钟头左右多啲食完，谂住埋单，因为我未提款谂住俾信用卡，入店之前都有check过openrice系可以俾信用卡，点知店员答话只收现金，我明明就睇到部信用卡向侧边，佢连解释老作话坏机都费事系咁黑面，真系态度差到呢。
未够八点就离开餐厅，店员口中所讲有人留咗嘅卡台只系嚟咗两张，其实系咪真系有人留咗定唔想做生意真系佢自己先知。
到埋单时先见到系自助攞水，自助攞水冇问题，我坐低时你可以讲声，同埋上菜时讲声请慢用之类其实好易者，点解连咁基本礼貌都冇，真系超赶客。
好后悔冇睇食评就入咗呢间餐厅，希望唔好再有人受气啦!
张贴