香港麗晶酒店 大堂酒廊

营业中

休息中

今日晚飯訂咗六點嚟到regent hotel，the lobby lounge食飯呢度環境一流，望住超級大維港海景，睇住佢由日頭變到夜晚，等到夜晚八點，仲可以睇到幻彩詠香江同埋有live Band，勁chill食物方面，我哋叫咗港式叉燒煎蛋飯，海南雞飯，澳洲和牛漢堡。和牛漢堡，好多肉汁，再加埋煙肉，非常豐富，薯條新鮮炸出嚟，香脆可口。睇落平平無奇嘅煎蛋叉燒飯，但係叉燒令人非常驚艷，肥瘦適中，味道恰好。海南雞飯嘅份量都好大，啖啖肉，配埋油飯，同埋雞湯，非常好食。最後仲叫咗一個甜品，藍莓絮語 blueberry cheesecake velvet呢個甜品賣相令人食指大動，白色大大粒嘅cheese cake，係淡淡嘅芝士香，但係非常之好食，佢配埋藍莓醬汁，同埋藍莓蛋白餅，再加咗幾粒芝士，成個口感非常豐富，中間塊威化餅都非常好味，個底仲有蛋糕同脆脆，又再將成個甜品層次昇華，呢個絕對係呢一餐最吸引嘅一道菜式。雖然呢度食物價錢偏貴，但係環境寬敞乾淨，好有空間感，望住香港獨有嘅夜景，絕對係同家人或者朋友渡過一段美好時光嘅好地方。