1
搵到個好地方舒舒服服，內裏好寬敞，望住溜冰場，唔會太嘈，好悠閒。
2
有兩個卡位有餐廳logo，幾有特色，可以影吓相，聚會啱晒！
Classic All Day Breakfast - 好大份好豐富呀！食材新鮮，仲有三款果醬，其中一款玫瑰果醬好特別好香好好食！
虎蝦蟹肉意粉 - 有一隻虎蝦，搭配碎片芝士和小蕃茄，蕃茄醬好開胃！
1
蘋果酥餅 - 甜品，朋友極度推薦叫咗呢道甜品，蘋果一片片嘅擺設好靚好有心思，酥餅外皮好脆，中間雲呢拿雪糕搭配糖粉和糖漿，味道好balance。
野莓班戟 - 兩小塊，作為飯後甜品size剛剛好，顏色鮮艷，有藍莓和士多啤梨，食落好有層次感。
巴西莓玫瑰咖啡 - Habitu嘅signature，必點之選，玫瑰味和咖啡味恰到好處，presentation好靚，好似一杯藝術品。
綿雲冰美式咖啡 - 冰感和濃度恰到好處，苦中帶香，非常提神。最靚係咖啡上的泡沫，靜待一會，泡沫和咖啡會blend一齊，有另一番風味。
