雞仔去骨海南雞專門店 (靄華大廈)

营业中

休息中

睇完亚苏系You Tube介绍既平靓正好好食海南鸡店，今日终于的起心肝由港岛远征长沙湾黎试吓。好彩我地到达时间下晏5点半仲大把位，餐牌套餐选择好多。有1，2，4人套餐之类，啱唒D咩都想试吓既人。因为我唔食米饭，所以决定要1人招牌海南鸡饭搭肉骨茶，再另外散叫猪颈肉，半只元蹄同郊外油菜。先上肉骨茶，多料药材味浓真系好饮。最好食系个猪颈肉，肉质嫩不干身，个边位仲烧到脆脆地有少少甜味，我自己觉得好好食。元蹄炆得好淋，外皮好够味，都中间部分的肉质唔系好入味，不过正体都系好味。个海南鸡嫩滑有鸡味，但因为之前食过太安楼既海南鸡有比较，所以我觉得2者系平分春色。最后2个人嗌到成台野食都先系$205蚊埋单。CP值高到不得了。