影片
更多
2015-06-14
5732 浏览
長輩間的生日，我地通常都會去食buffet慶祝，一來有老有嫩，個個口味不同，buffet易於滿足各人口味；二來價錢跟於中式酒樓「擺大壽」相約，但buffet卻能跟據各人能力而決定，不會搞到有人「夾哂啲餸」的情況出現。今次是舅父的壽辰，選址朗豪酒店的The Place。食之前都有少少擔心會否已被大陸人攻陷（位於旺角核心地帶），但看來我的擔心是多餘，未食完我已經約定下次同honey黎「覆桌」啦！Buffet開始時間為6點半，我跟家人於7時到達。甫一走進The place，其實覺得幾驚訝，因為以星期六黃金時間來說不算太多人，望一望拎蠔既位置，竟然無人排！只係遠處排鵝肝既位置有大概10個人排隊！呢個時候當然放低啲野就衝出去拎生蠔啦！生蠔好新鮮、肥美，最重要係可以自己揀，攞幾隻都ok! 最後我食左超過一打！食完生蠔，即刻去排鵝肝，廚師係我地面前慢慢煎，煎完放上吸油紙吸油，最後放上一塊吐司上。每人可以拎兩塊。睇完廚師煎鵝肝可以睇得出呢間餐廳係幾咁注意衛生及食物質素，首先，如果鵝肝跌在枱上，會即刻掉左，鵝肝煎得太燶又會掉，煎pan太污糟又會抹到乾淨先煮下一輪，雖然等既時間耐少少，但起碼食得安心。之後
長輩間的生日，我地通常都會去食buffet慶祝，一來有老有嫩，個個口味不同，buffet易於滿足各人口味；二來價錢跟於中式酒樓「擺大壽」相約，但buffet卻能跟據各人能力而決定，不會搞到有人「夾哂啲餸」的情況出現。
今次是舅父的壽辰，選址朗豪酒店的The Place。食之前都有少少擔心會否已被大陸人攻陷（位於旺角核心地帶），但看來我的擔心是多餘，未食完我已經約定下次同honey黎「覆桌」啦！
Buffet開始時間為6點半，我跟家人於7時到達。甫一走進The place，其實覺得幾驚訝，因為以星期六黃金時間來說不算太多人，望一望拎蠔既位置，竟然無人排！只係遠處排鵝肝既位置有大概10個人排隊！呢個時候當然放低啲野就衝出去拎生蠔啦！生蠔好新鮮、肥美，最重要係可以自己揀，攞幾隻都ok! 最後我食左超過一打！
食完生蠔，即刻去排鵝肝，廚師係我地面前慢慢煎，煎完放上吸油紙吸油，最後放上一塊吐司上。每人可以拎兩塊。睇完廚師煎鵝肝可以睇得出呢間餐廳係幾咁注意衛生及食物質素，首先，如果鵝肝跌在枱上，會即刻掉左，鵝肝煎得太燶又會掉，煎pan太污糟又會抹到乾淨先煮下一輪，雖然等既時間耐少少，但起碼食得安心。
之後就去拎魚生，款式唔多，但每次都有5-6舊，仲要係厚切！壽司就麻麻。其他熟食都唔錯，特別推介係個法式海龍皇湯，本人飲湯喜歡吃渣，我裝湯時撈一撈個底，嘩！勁足料，入面有勁多龍蝦肉、青口等，碗湯勁鮮甜，完全唔口渴，最後我飲左3碗！
最後推介係甜品，最令人期待當然係有movenpick雪糕啦，總共有8種口味道揀，總可以揀要cone, waffle 或者到近入口處拎即叫即整既crepe! 除此之外，豆腐花都係一個不錯的選擇，香滑不會「鞋」脷。
整體上，我覺得The place 會係我近期既心水buffet之選。
张贴
