初見

营业中

休息中

入到餐廳坐低都好闊落，好少見到啲樓底咁高既餐廳。我地分別嗌左黑松露意大利飯同埋石燒香草吉列牛扒，再加兩個明太子雞翼同埋初見邪惡薯條既小食。香草吉列牛扒既賣相好靚，石上面有豬油令啲牛冇咁易燶，可惜啲粉比較厚，同埋牛味唔係好重。至於黑松露意大利飯既汁就好濃，啲飯粒比較硬，同平時軟既飯好唔同。最欣賞既係兩款小食，明太子釀雞翼其實好少見，雞翼入面係滿滿既明太子就更少見！明太子亦都令到成隻雞翼好惹味！至於邪惡薯條，就話係因為有客人食過覺得邪惡，先有咁既名。邪惡在係鹹蛋黃薯條，勝在份量好多，鹹蛋黃味亦都濃。覺得呢度既小食比主食更出色，不過價錢親民，同埋閒日夜晚去都多人，非常受歡迎！