任你點車仔麵

深水涉多嘢食係人都知，講起車仔麵自然諗起有條人龍等入座個間，不過今次我食呢間任你點車仔麵都幾多人食……

任你點車仔麵鋪面

門面冇人排隊，但剛剛好有人埋單，我先zip到入去。

三餸加底車仔麵$49+凍飲$8
- 麵底+$6 比起市面上經濟好多，加完既麵量幾多。
- 湯底小麻辣，其實係後加辣椒油，唔似某連鎖米線店咁跟湯一齊煮，呢個位少扣分，但係夠麻夠辣，用埋撈麵幾好！
- 咖哩魚蛋，有色水，但冇辣度，小麻辣比咖哩魚蛋辣，同樣感覺咖哩係後加上去。
- 豆卜，因為湯底唔係一齊煮，所以豆卜索唔到味，伏。
- 比較難處理既金錢肚反而有驚喜，煮得幾入味。