加藤屋 (已結業)

最近網上見到好多人都推介加藤屋，話佢啲牛肉飯又平又好食🤔我同朋友決定去試試佢🙌🏼去到長沙灣分店真係好多人啊🙈排隊點餐嘅人龍排到出分店外面👀但係等位就比較快，5分鐘就有位了🤩我同朋友分別嗌咗牛肉飯同麻辣牛肉飯🤤我嗌嘅牛肉飯加埋凍飲都係$39😱真係好抵食！牛肉煮嘅時間啱啱好，肉味香濃🥰而米飯係珍珠米，粒粒分明，撈埋啲牛肉汁食，真係無得輸！💯而朋友嗌嘅麻辣牛肉飯都非常好味，香濃惹味🤩飯粒仲沾滿咗麻辣汁同牛肉汁，鐘意食辣嘅話一定要試！