板長壽司 (沙田中心) (已結業)

當唔係好諗到食咩既時候，日本野總會係我必然之選之一。先講講呢個《日本粟米》，真係好清甜，好好味。另外，去親板長，我一定會食《火炙三文魚甘口醬油漬壽司》，呢個絕對係無懈可擊。《油甘魚》係我最愛魚類之一，配合柚子醬更加好味，所以就點左《油甘魚壽司(柚子醬)》，兩者味道非常之夾，好味。個人都幾鍾意食貝類，所以都會叫《鮮北寄貝壽司(裙邊)》,不過今日就麻麻地，唔夠鮮。除左呢啲基本野，今日我所點既主要都係長崎直送又或者北海道直送既居多。今日仲試左《葉血引壽司》，好好味，魚油大爆發好香，食完再encore。然後仲有北海道直送既《鮮帆立貝壽司》，大大粒，又夠鮮甜爽口。