點左一碗雲吞麵($20)、牛腩牛雜(雙拼)麵($27)同埋大樽裝可口可樂一枝($8)。
1
雲吞有三粒，而且幾大粒，咬落去好爽口彈牙同好鮮甜，聽講係老闆自己包，難怪咁足料👍🏻而牛腩炆得非常入味，腍腍地完全唔韌；而牛雜分別有牛肚、牛膀、牛腸同牛肺，亦都非常入味，特別係牛肚，十分爽口。雖然店面並無華麗既裝修，但同時下既食肆相比，別具一番風味。另外大部份單拼既麵/粥都只係$20，我見到餐牌個陣真係嚇親！今時今日以依個價錢可以食到一碗麵真係好難得，而且碗碗都好足料，絕無欺場！非常推薦大家去試下，尤其是細蓉(雲吞麵)！
