影片
更多
2023-03-12
31 浏览
收左工去左觀塘接朋友放工，個FD話今日原本Lunch想去食個間台灣野無位，想夜晚去食，就陪佢行左過去食。一入到去職員都好有禮貌，好快就按排左我地坐低，個餐牌入面都係D好傳統嘅台灣食品。紅燒三寶牛肉麵 ($88)牛肉麵係台灣野入面我最鐘意嘅食物，睇相就睇得出D餸嘅份量係唔少，有2大舊牛肋肉，3片牛展，2粒牛丸。最驚喜係牛丸，肉汁十分豐富，同好彈牙。麵嘅質地煮得剛剛好，配埋配菜已經好飽了。豆乳雞烏龍麵 ($78)我朋友想食得淡味少少，揀左豆乳雞烏龍麵，雞卷嘅肉好嫩滑，湯味有淡淡豆乳味，十分推介鹽酥雞 & 炸花枝丸 ($38 & $38)為食嘅我當然唔係淨係食牛肉麵，叫左鹽酥雞 同 炸花枝丸。鹽酥雞個份量真係多得好緊要，炸得剛剛好。另外花枝丸都幾高質，食落好有口感。愛玉荔枝綠茶 ($24)叫左杯愛玉荔枝綠茶，店員推介，真係幾好飲，重點係唔洗叫少甜佢都唔會好甜。
一入到去職員都好有禮貌，好快就按排左我地坐低，個餐牌入面都係D好傳統嘅台灣食品。
紅燒三寶牛肉麵 ($88)
牛肉麵係台灣野入面我最鐘意嘅食物，睇相就睇得出D餸嘅份量係唔少，有2大舊牛肋肉，3片牛展，2粒牛丸。最驚喜係牛丸，肉汁十分豐富，同好彈牙。麵嘅質地煮得剛剛好，配埋配菜已經好飽了。
豆乳雞烏龍麵 ($78)
我朋友想食得淡味少少，揀左豆乳雞烏龍麵，雞卷嘅肉好嫩滑，湯味有淡淡豆乳味，十分推介
鹽酥雞 & 炸花枝丸 ($38 & $38)
為食嘅我當然唔係淨係食牛肉麵，叫左鹽酥雞 同 炸花枝丸。鹽酥雞個份量真係多得好緊要，炸得剛剛好。另外花枝丸都幾高質，食落好有口感。
愛玉荔枝綠茶 ($24)
叫左杯愛玉荔枝綠茶，店員推介，真係幾好飲，重點係唔洗叫少甜佢都唔會好甜。
张贴
