八木橋日式燒肉

营业中

休息中

同男朋友一齊就係不停揾好嘢食，食唔晒又有人幫手清😜😜想嗌乜都得，放題就好岩我哋呢啲為食情侶👫🏻我哋揀咗係旺角咁多選擇嘅一個地方好值得去食嘅日式燒肉放題，我同男朋友都一致好評🥰🥰❣️A4黑毛和牛和尚頭、A4黑毛和牛三角腩、A4黑毛和牛後腰肉、A4黑毛和牛牛肩❣️三角腩油脂特別豐富，好香口😌😌❣️A4香蔥薄切岩手和牛❣️好薄身，配埋啲香蔥勁香口，燒完之後可以撈埋啲蛋漿一齊食🥚完全係喺日本食到高水準嘅燒肉嘅質素👏🏻👏🏻❣️味淋魚干❣️鍾意食零食嗰啲魷魚絲嘅人一定特別鍾意，鹹鹹地口，跟住又有啲咬口，越咬啲味越出👍🏻👍🏻❣️A5和牛西冷❣️呢一碟係一次性，平時喺超市見到靚啲嘅都要幾百蚊，絕對係回本位之一😎😎油脂豐富，牛味極重，口味軟嫰❣️扇貝❣️扇貝唔係hea，個size有成手掌咁大，肉質超級鮮甜，一大啖肉塞滿成個口好滿足😳😳❣️牛油粟米❣️切左好大嚿牛油落去，真係可以每一粒粟米都比牛油包住咗，超邪惡😈