船長 泰國船麵工房 (已結業)

👭船長 泰國船麵工房 (觀塘)👭1⃣招牌船長船麵 (配泰國黃麵) 午餐價 $58話哂第一次黎幫襯，當然要試下餐廳招牌啦🤪配料有秘製蝴蝶腩、瘦肉、豬潤同豬肉丸。麵類仲有3款揀，最後38揀左從未食過既黃麵。食落好似幼身油麵，份量唔算多。咁多款配料入面，38最鍾意係豬肉丸😍口感彈牙得黎仲有啲豬肉汁，真材實料👍🏻另外，豬潤起沙，不過可以再爽口啲。值得大讚既係湯底，顏色係深啡色，味道好豐富😋飲得出無加味精，而係用好多香料同豬骨熬製，所以鹹甜交替變得好開胃❤今次真係忍唔住飲左2/3既湯😂2⃣泰式雜菜春卷 (1份午餐奉送2件)圖上見到有6件春卷係因為有3份午餐🙈岩岩新鮮炸出黎好辣口😳無肉嘅春卷感覺好健康，用黎做飯前小菜一流。3⃣曼谷街頭炸雞翼 $24係朋友極力推介之下，單點左份雞翼大家一齊share。一份有8隻單骨雞翼，每隻炸得都好飽滿😋外皮加左辣椒粉同芝麻，炸完變得酥脆之餘，仲好惹味😛點埋泰式甜辣醬味道更有層次❤4⃣泰式熱奶茶 (跟午餐)之前一直都係飲凍既泰式奶茶，今次終於可以試下熱飲🥳38覺得好特別既係，明明聞到杯奶茶散發出甜甜既香氣，點知飲落原來一啲甜味都無🤪店員會另外附上砂糖