蟹仙海鮮蒸氣鍋 (仁愛街) (已結業)

今晚去左新蒲崗專食好出名既大黃蟹既蟹仙，一食佢地既蒸氣火鍋。首先，點了一個298一人既蒸氣火鍋套餐。越南頂角膏蟹：每人半隻既大越南膏蟹，可以話物超所值，鮮紅的蟹膏散發著蟹的鮮味，加上每隻有成斤重，出面閒閒地都要成百幾蚊斤。加上用蒸氣蒸煮，蟹肉可保留鮮味，入口蟹肉結實，配上咸香的蟹膏絕對係絕配。泰國海中蝦：識食蝦既都知泰國蝦係最靚最正，蝦肉蒸後不但彈牙爽滑，而且鮮味十足，絕對係泰國先有既水準。翡翠九孔鮑：鮑魚肉質嫩滑，蒸煮過後仍然保留鮑魚的甜味，加上大隻肉厚，食落有濃郁的海水味，絕對係新鮮空運貨色。總括來說，這裡環境衛生，地方又大，又有獨立間房，可與朋友一齊聚會，而食物又每天空運到港，保證新鮮為你服務，絕對係蒸氣火鍋必到之地。