舖頭細細感覺好溫馨, 當晚有好多人係度慶祝生日呀!🎂 有時候唔洗下下去大間既餐廳既, 細細間反而有人情味~ 😌柔和既燈光下, 周圍都係好開心既氣氛~🍻
20
見到其他枱都嗌左呢個好震撼既
🔥門西淋牛豬仁雞vs蝦兵蟹將 🔥
呢間餐廳改d菜式名好玩味haha
呢樣絕對係必食之選!!🌞
小心份量好多呀haha!!呢盤野真係好震撼,忍唔住嘩出聲呀😲
好岩食肉獸呢! 有哂以下:
✨多汁淫蝦haha 個名好搞笑 (一隻完整既龍蝦!) 好正呀 咁岩好彩我地隻龍蝦有膏! 食落好甘香, 肉身好易起,方便食, 肉質鮮甜, 彈牙爽口! 相信係新鮮貨唔係冰鮮貨~!!
✨焗多汁豬仔骨 個名改得無錯呀! 的確係醃得好入味 ,肉質鬆軟多汁,根本唔洗點咬就已經骨肉分離!好正!!
✨慢煮蒜香春雞半邊 隻雞燒得岩岩好, 仍然KEEP到有肉汁, 外皮佈滿孜然粉好惹味~!!
✨炸軟殼蟹 蟹唔係平時食開既細SIZES, 係比較大隻嫁~! 炸得好穌脆
再加✨薯條伴盤
咁多野都只係$490 好味又抵食!!
因為貪食, 所以嗌多樣,
✨厚玉子燒 加左木魚+ 日式燒汁, 成件事好夾~GOOD
✨三分鐘舒緩經痛玫瑰花茶☕🫖
我地猶豫左好耐飲咩好, 店員哥哥好好咁推介左呢樣女生養生之選
微微甜, 好香玫瑰花味, 好貼心係暖暖地已經岩飲😳
好難得西餐廳有專門既女生熱飲喔! 同好抵飲, 可以夠兩個人飲啦~👍🏻
