A Tavola Bar & Grill (已結業)

疫情下冇得出外旅遊，生活真係好悶！唯有搵朋友聚下，諗住約住係將軍澳嘅朋友出尖沙咀Bar飲酒食嘢，但佢話佢屋企附近開咗唔少酒吧，其中A TavolaBar&Grill餐廳酒吧係位於唐俊街，設有戶外露天餐座，地方寬敞且舒適。提供的菜式十分多元化，包括意大利菜、漢堡包、薄餅等，適合與三五知己的聚會，而家重推出優惠比食客，抵食之餘坐得又舒服。我一於入去睇驗下先！餐廳環境真係唔錯，唔會好嘈，燈光柔和，坐位寬敞舒適，重有個大電視可以睇奧運，睇吓優惠，食指定主菜有啤酒和前菜送，咁抵梗係要食返份。豬仔肋骨半份：份量真係出乎意料之外，半份都等於我係其他餐廳食嘢一份咁多，一大排以燒烤醬醃得惹味的肋骨，烤得肉質軟腍入味，厚肉多汁，肉質嫩滑，且輕易將其與骨分離。啖啖肉點上BBQ燒烤醬，十分惹味。另外香辣薯角也很脆口，送啤酒一流！沙律菜也很新鮮！送的前菜有指定12款選擇，揀左其中一款鐵板蒜蓉烤大蝦，廚師在鐵板上加上油、大蒜、辣椒片、香腸、蝦爆炒而成，雖然沒有用鐵板上枱，但仍聞到香噴噴，鑊氣十足，蝦肉爽口，辣辣哋好好味！香腸好有口感。免費啤酒一杯，晚餐嘆杯冰凍啤酒，享受人生之一！