漁場台風

营业中

休息中

旺角嘅日本餐厅有好多，放题、拉面、寿司等应有尽有。早前系Instagram见到有人介绍呢间渔场台风，日头提供沾面，夜晚就提供拉面，感觉几特别，所以特地过黎试下。餐厅并非位处旺角最中心位置，丢同友人都要揾一阵（路痴）。我好中意餐厅既布置，佢系门口隔离嘅墙上贴满左好多食客嘅留低嘅意见，有好多仲画晒公仔，好得意！沾面嘅落单纸只有3款选择，包括鱼介豚骨沾面、鱼介豚骨焙煎黑芝麻沾面同鱼介豚骨蕃茄海虾沾面，另可加钱加配3样野食：叉烧、紫菜同半熟蛋。我地分别叫左普通份量嘅黑芝麻沾面同蕃茄海虾沾面再每人加一只半熟蛋。蕃茄海虾沾面嘅汤底呈较深嘅红色，而且睇落都几浓郁，一上台就闻到好香嘅蕃茄酸甜味同鱼汤嘅香味。面条挂汤嘅能力都唔错，一沾面转个圈夹起放入口已食到好浓嘅汤底味道，但一唔小心沾多左真系好咸下。个半熟蛋好流心，而且质感好嫩滑。友人嘅黑芝麻沾面真系好浓芝麻味，我可能唔太中意芝麻加鱼汤，所以觉得一般般。