影片
更多
2018-08-26
924 浏览
對於食，我可以好神心的。「Lamlamli」係我恨食左好耐的千層蛋糕店，由ig店紅到開實體店，店主係個年輕妹妹，真係佩服佢的成功同毅力。事前做過功課，d人話開門前去到已經要排隊，但果日係閒日，12:30到，門口一個人都冇，唯有係附近徘徊到夠鐘先去。12:55到達，門口已有幾個人，不過都冇我想像中多。佢固定的口味有朱古力流心、抹茶流心、焦糖牛乳、伯爵茶、Tiramisu，另加兩個新款式，每人限購兩件，大部分都係賣$32，幾乎平Lady M一半。第一次去，先試最招牌口味。先唔講味道，單睇賣相同蛋糕的層數，絕對可以同我的愛店Lady M媲美，只係相對地細小小。食的時候就由左邊淡味開始，伯爵茶的cream做得幼滑，不過茶味唔重，蛋皮煎得夠薄夠軟，用叉好易篤開。抹茶流心應該係最出色的一款，流心效果雖然一般，但充滿茶香，一點都唔苦，又唔會好甜，唯一扣分的是，面頭的抹茶粉多左d。朱古力流心反而有點小失望，朱古力味唔太香，雖然有流心朱古力醬幫忙，但味道始終還差一點點，同樣地，面粉的粉太多。店內有4個位可以堂食，我坐底食左幾分鐘，已經見店主不斷擦走黑板上的蛋糕款式，即是已賣完了，剩下的只有抹茶同新口味，
「Lamlamli」係我恨食左好耐的千層蛋糕店，由ig店紅到開實體店，店主係個年輕妹妹，真係佩服佢的成功同毅力。
事前做過功課，d人話開門前去到已經要排隊，但果日係閒日，12:30到，門口一個人都冇，唯有係附近徘徊到夠鐘先去。12:55到達，門口已有幾個人，不過都冇我想像中多。
佢固定的口味有朱古力流心、抹茶流心、焦糖牛乳、伯爵茶、Tiramisu，另加兩個新款式，每人限購兩件，大部分都係賣$32，幾乎平Lady M一半。第一次去，先試最招牌口味。
先唔講味道，單睇賣相同蛋糕的層數，絕對可以同我的愛店Lady M媲美，只係相對地細小小。食的時候就由左邊淡味開始，伯爵茶的cream做得幼滑，不過茶味唔重，蛋皮煎得夠薄夠軟，用叉好易篤開。
抹茶流心應該係最出色的一款，流心效果雖然一般，但充滿茶香，一點都唔苦，又唔會好甜，唯一扣分的是，面頭的抹茶粉多左d。
朱古力流心反而有點小失望，朱古力味唔太香，雖然有流心朱古力醬幫忙，但味道始終還差一點點，同樣地，面粉的粉太多。
店內有4個位可以堂食，我坐底食左幾分鐘，已經見店主不斷擦走黑板上的蛋糕款式，即是已賣完了，剩下的只有抹茶同新口味，因為唔知佢會唔會再即場做來應市，所以有心買的，都係趁開店前來比較穩陣。仲有，因為不提供乾冰，cream亦容易融化，所以極唔建議外賣，除非你家或公司就在附近。
张贴
