今日星期五放工懶洋洋，又唔想煮飯，於是去咗燉湯奶奶買外賣回家吃。
燉湯奶奶嘅自選套餐（蒸飯+燉湯）有多款選擇，今日我選了3款。
🥢 土魷蒸肉餅飯 + 羊肚菌響螺燉竹絲雞湯
土魷蒸肉餅飯 👉🏻 肉餅口感軟糯鮮香，軟硬適中，剁得極細的土魷與肉碎融合，土魷嘅鮮味滲透到肉餅中，令肉餅嘅味道更加濃郁，鮮味十足。
羊肚菌響螺燉竹絲雞湯 👉🏻 入秋後，開始要補補身子，羊肚菌帶有浓郁嘅菌香，配埋鮮甜嘅响螺，再加埋滋補嘅竹丝雞嚟燉汤，非常滋味。
🥢 梅子排骨飯 + 三椰燉竹絲雞湯
梅子排骨飯 👉🏻 排骨吸收咗梅子嘅酸甜味，酸甜度亦恰到好處，能令到整個飯提昇開胃嘅效果。
三椰燉竹絲雞湯 👉🏻 椰子嘅清甜配合埋竹絲雞肉嘅鮮味，令到呢個湯夠晒濃郁醇厚，飲起來更覺清甜滋潤。
🥢 滋補黃酒雞飯 + 姬松茸螺片淮山燉竹絲雞湯
滋補黃酒雞飯 👉🏻 黃酒本身嘅甜醇充分融入雞肉中，吃起來帶有淡淡的甜味和酒的香氣。
姬松茸螺片淮山燉竹絲雞湯 👉🏻 姬松茸本身帶有濃郁嘅獨特鮮香，竹絲雞經過燉煮後，雞肉嘅香味融入到湯中，加埋滋陰嘅螺片更令整個湯變得勁鮮甜。
