嚐仙 (已結業)

其實平時都有幫襯開，不過要特登過海去尖沙咀食，而家喺銅鑼灣開店，仲要開喺波斯富街，好開心超級近，以後唔洗特登去咁遠都食到喇。新店好闊落，唔迫，坐得幾舒服，最重要係我只係買杯嘢飲都可以坐低慢慢飲，服務算唔錯，先俾錢後入座，堂座會比一個膠牌你，店員準備好之後會將食物送上，又唔使十1我覺得幾好。尋日食到好飽冇點到芋圓，只係叫咗杯芋泥牛奶，呢個飲品係我超級大愛，每次去尖沙咀我都會買一杯外賣，芋泥超香滑，唔會整到好甜，未試過堂飲，估唔到賣相咁靚，個杯仲有金邊，可以見到芋泥同埋鮮奶比例超級好，$29呢個價錢可以坐低慢慢飲唔錯，況且而家疫情喺街度飲嘢都唔係好方便，有得堂飲唔錯。下次留肚試吓佢哋其他甜品，睇吓係咪同尖沙咀嘅水準一樣先。