九個人嗌咗七餸一湯，個個食到捧住個肚走😆
蟲草花天麻燉大魚頭湯
飲完一碗仔成個人暖曬，屋企人話滾滾哋。但我係冷氣地方就會手腳冰冷，飲多兩碗都係平衝返個體溫咋（希望唔會太補啦）
家鄉煎釀三太公
炸鯪魚球、青椒釀鯪魚、蓮藕鯪魚餅
鍾意食濃味可以點埋蜆蚧汁，不過個人覺得唔點都夠味
瓦撐煎焗啜魚嘴
好大個魚頭，脆卜卜，仲好多肉😋好食到食咗兩件
秘制少林壇香骨
忙住食魚頭，無食😕
金銀蒜蝦乾蒸茄子
有咬口嘅蝦乾配軟淋淋茄子，清清哋，正
避風塘椒鹽鮮魷
係最愛嘅鮮魷，都幾辣🤭我獨食咗半碟
銅盆蒸污糟雞
有唔知咩酒醃過定煮，蒸得剛好，好滑
1
薑汁炒芥蘭
出街食菜必定要食芥蘭，屋企好難炒到又熟又爽嘅效果👍🏻👍🏻好好味！
