永年士多港式車仔麵 (加拿分道)

营业中

休息中

之前呢間車仔麵岩岩開到黎尖沙咀的時候，每次經過都會見到好多人在排隊，現在都開了一段時間了，晚上7點幾的時候行過都仲係要排隊的，但今天晚上等埋朋友去到已經不用排隊了。餐廳唔算有好多位，所以大家都係食完就走，唔會坐係到傾計的。先排隊買野食，然後搵位坐，聽到叫NO.就可以去拎啦!大碗麵($65)，呢碗大碗麵共有10款小食，包括牛肚、陳皮魚蛋、蘿蔔、豬紅、豬皮、雞翼、雞翼尖、魷魚、紅腸同埋菜!而麵底我就揀左我最愛食既油麵，點了小辣。原來小辣個辣度都幾辣，唔太食辣的話睇下可唔可以再叫小D辣啦!豬紅都幾入味，咬落去唔會淡口，雞翼同雞翼尖都整得好入味，雞翼尖仲炆到好淋添!整體黎講小食同湯底味道都幾好!咖央多士($16)，咖央味都幾出，但我個人覺得又未至於係佢地既必食的食物!菠蘿冰($15)，都真係幾多冰，反而因為太多冰，令到飲品唔夠甜，菠蘿肉都唔係好多!總括黎講，車仔麵係真係好食既，但係其他野食我個人覺得又未至於係必色，不過都係係尖沙咀食車仔麵的一個不錯的選擇，因為始終係尖沙咀較少這類麵食。