皇軒私房菜 (裝修中)

行開尖沙咀,記得有朋友推介過有間中式晚飯好地方,記上左去試下地方不算大但裝修唔錯,一打開個餐牌 嘩仲以為去左大酒家,好多款式選擇!!隨便點左幾個招牌菜 好快就有得食食得中菜湯水唔少得 有自選既胡椒豬肚湯 同時令蟲草花燉雞湯私房菜果然冇咩味精 湯料十足之餘又夠入味 豬肚新鮮爽口 雞湯香味濃鮮 夠曬開胃主菜點左石岐燒乳鴿 超級香嫩 乳鴿炸得通透 仲要一咬多汁齒頰留香下一味咕嚕豬頸肉 個人推介必食 豬頸肉非常香脆 仲要用上新鮮菠蘿 菠蘿既鮮甜配埋豬頸肉既肉汁 已經送到兩碗飯!!仲有三色蔥爆海參 色香味都齊 海參大塊冇沙 海鮮酒家都未必做到咁出色 津葉玉荷包好有特色 入面有炒過既粉絲香菇等 有少少泰國菜既味道 有驚喜!最後食得咁滿足 就叫左個菊花豆腐做甜品一見到就不得了 真係將豆腐整到成朵盛開既菊花咁 豆腐非常滑 食完個甜品好耐都仲回味緊唔怪得友人極度推介 一餐普通晚飯都可以令人咁難忘 下次要再黎過