心之食堂 (裝修中)

同男朋友黎補祝3月14，見到好多人都話呢間好食，一於試試佢🤤。門口有好大個招牌寫住「心之食堂」，入面既裝修似cafe，雖然位置唔多，但唔會夾硬塞，坐得都幾舒服。🍹薄荷菠蘿特飲一開頭未搞勻，薄荷味就會太勁，之後就會愈飲愈甜同好飲🤣！男朋友個杯熱檸檬果茶睇落顏色好淡，但又好夠味～🍢串燒我地淨係嗌左兩款。強烈推薦雞腎❤️，燒得爽脆，加埋燒汁真係勁正🤤！相對之下燒雞軟骨就正常發揮咁啦～🥗炒野菜既份量偏少，味道都係正常無咩驚喜。但由於係第一碟上菜既野食，我地餓到三扒兩撥就清曬～🥚心之蛋卷真係好有份量，比足料，有芝士同魚肉。加埋啲醬都好膩，所以我只𠝹左一舊黎食。🍞我第一次食呢個配搭🤣，所謂既邪惡包就係帶子夾鵝肝。又幾match，要一口啪先可以同時enjoy幾種口感🤣！🍖蘆筍海老牛肉卷既價錢算幾抵食，搭配燒汁好食～最後主食～我本身想食魚生飯，但賣曬😭！所以就轉左食鰻魚，第一次食茶漬飯，原來係有咁多芝麻🤣但都幾好食🤤！男朋友嗌既豬頸肉飯就似係豬柳，不過佢話好食就ok啦！整體黎講都好滿意，慶祝節日既時候黎食都好岩😆，食到超飽都係一人$300內。